Быйыл 10 айда энергетика тармагына сарпталган чыгашалар былтыркы жылдын ушул мезгилиндеги чыгашаларга салыштырмалуу эке эсе өстү. Бул тууралуу Каржы министрлиги билдирди.

Каржы министрлиги 2021-жылдан тарта күз-кыш мезгилине даярдыктарды активдүү колдоого алууда. Министрлик өткөн жылы өлкөнүн энергетика тармагына бюджеттин түз чыгашаларынан 6,4 миллиард сом багыттаган. 

Быйыл бул максаттарга бөлүнгөн каражаттардын жалпы суммасы 15,6 миллиард сомдон бир аз ашат. Ошол эле учурда, 2022-жылдын 10 айында энергетикага 12,6 млрд сом (өткөн жылга салыштырмалуу 6,2 млрд сомго көп) бөлүнгөн.