Бир сутка ичинде Улуттук банктын алтын куймасынын унцийи 2081 сомго арзандады. Бул тууралуу Улуттук банк билдирди. 

Ошентип, бүгүнкү күндө 31,1035 грамм салмактагы алтындын унцийин кайра сатып алуу 157 миң 196 сомду түздү. Кечээ, 15-декабрда анын баасы 159 миң 277 сомду түзгөн. Ошентип алтындын унцийи бир күндө 24,50 долларга арзандады.

Ошол эле учурда, Улуттук банктан алтындын унцийин сатып алуу баасы 166 миң 276 сом деп белгиленди.