Кече, 18-октябрда Улуттук банк беш жылдык мамлекеттик казына облигацияларын аукциондон тышкары жайгаштырды. Бул тууралуу банктын сайтында маалымдалды.

Сооданын жыйынтыгында пландаштырылган 100 миллион сомдун ордуна беш жылдык мамлекеттик облигациялар аркылуу бюджетке 78 миллион сом түштү. Баалуу кагаздын баштапкы баасы 76,36 сом, кирешелүүлүгү 12,5% болгон.

Кошумчалай кетсек, октябрда Каржы министрлиги беш жылдык мамлекеттик облигациялардын эсебинен 260 миллион сом тартууну пландап жатат.