Бүгүн "Биринчи радионун" түз эфиринде "Кумтөрдүн" жетекчиси Алмаз Барыктабасов компания алтынды 2031-жылга чейин ачык жол менен казарын билдирди.

"2017-жылдагы долбоор боюнча 2023-жылы ачык жол менен алтын казууну токтотушу керек болчу. Бирок 2018-2019-жылдары геологиялык изилдөө иштери жүргүзүлүп, анын негизинде кендин иши кайрадан каралып чыкты", - деди ал.

Буга байланыштуу ачык жол менен казуу 2031-жылга чейин уланат.

"План боюнча ачык ыкма менен 134 тонна алтын алуу пландалган. Мындан тышкары жер астындагы кендер бар, анын запасы 100 тоннага жакын деп эсептелген. Ошондой эле таштанды кампаларында 120 тоннага жакын алтын бар. Демек, иш 2040-жылга чейин созулушу мүмкүн”, - дейт Алмаз Барыктабасов.