Жалал-Абад шаарында курулган асфальт-бетон заводу иштеп баштады.

Муниципалитеттен билдиришкендей, завод саатына 80 тонна асфальт чыгарып, өндүрүлгөн асфальт шаар көчөлөрүнө төшөлүүдө.

Эске салсак, 2023-жылы Жалал-Абад шаарын өнүктүрүүгө бөлүнгөн 2 млрд сомдун эсебинен 111,54 млн сомго аталган завод курулуп, 4 даана "Шахман" үлгүсүндөгү оор жүк ташуучу, 1 даана "Портер" үлгүсүндөгү автоунаа сатып алынган.

Учурда мэриянын Жол башкармалыгынын техникалык базасы чыңдалып, шаар көчөлөрүнө өз күчү менен асфальт төшөп жатат.