Жапаров: Авария Кыргызстандын аймагында болгон жок

25.01.2022, 16:38 Акчабар
Жапаров: Авария Кыргызстандын аймагында болгон жок

Энергетика системасындагы авария Кыргызстандын аймагында болгон жок. Бул тууралуу министрлер кабинетинин төрагасы Акылбек Жапаров брифинг учурунда билдирди.

Анын айтымда,электр энергиянын өчүрүлүшүнө Кыргызстан тараптан мүчүлүштүк кеткен эмес.

“Биз авария Кыргызстанда болбогонун көрсөтүп, далилдеп дагы бере алабыз”,- деди Жапаров.

Министрлер кабинетинин төрагасы азырынча авария эмнеден болгону белгисиз экенин жана үч өлкөнүн өтүнүчү боюнча кырсыктын кайдан чыкканын аныктоо үчүн комиссия түзүлгөнүн белгиледи. 

Айта кетсек, 25-январда түшкө маал Кыргызстандын аймактарында электр энергиясы жапырт өчтү. Энергетика министрлигинин басма сөз кызматы электр жарыгы Борбор Азия боюнча өчкөнүн кабарлап, Кыргызстан Борбор Азиядагы бирдиктүү энергетикалык шакекчеден чыгып, өз алдынча жарыкты калыбына келтире турганын билдирген. Учурда бардык аймактарда жарык бериле баштады.

Тэги: Акылбек Жапаров Электр энергия

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу
<
×