2-февралда, таңкы саат 03:00 чамасында Бишкектеги ЖЭБде авария болду. Авариялык абалдан улам иштен чыккан жабдууларды жана анын кесепеттерин тез арада жоюу боюнча ыкчам штаб түзүлдү. Бул тууралуу Энергетика министрлиги билдирди.

Учурда ЖЭБдин кызматкерлери аравиялык абалдын келип чыгуу себептерин аныктоо жана калыбына келтирүү боюнча аракеттерди жүргүзүүдө.

Бишкек шаардык ЖЭБ авариялык абалдын кесепеттерин тез арада жоюу боюнча иш алып баруу үчүн ыкчам штаб түзүлдү

“Түнкү кезекте турган 3 кызматкер жаракат алышып, ооруканада. Керектөөчүлөргө электр энергиясы үзгүлтүксүз берилет. Бирок, шаардын жылуулук режимин сактоо максатында, ысык суу берүүдө чектөө киргизилип, мектеп жана бала-бакчалар онлайн окууга өткөрүлдү”, - деп айтылат маалыматта.