Бүгүн, 28-мартка карата Улуттук банктын алтын куймаларынын унциясын кайра сатып алуу баасы 190 миң 607,5 сомду түздү. Бул тууралуу борбордук банктын басма сөз кызматы билдирди.

Алсак, 26-мартта унцияны кайра сатып алуу баасы 191 764 сомду түзгөн. Мындан улам жекшемби күнү куймалардын баасы 0,6%га же 1156,5 сомго арзандаганын көрүүгө болот. Ошол эле учурда жума ичинде аффинаждалган алтын куймаларынын унциясы 6,92%га, же 14 миң 172,5 сомго (149,7 долларга) арзандады.

Кошумчалай кетсек, бүгүнкү күндө аффинаждалган алтын куймаларынын унциясын 193 миң 466,5 сомго сатып алууга болот.