Кыргызстандагы бир катар жеке менчик лабораторияларда ПЦР тесттин баасы арзандады. Монополияга каршы мамлекеттик агенттиктен билдиришкендей, баалар 1600 сомдон 1300 сомго чейин төмөндөтүлдү.

Министрлик былтыркы жылы мамлекеттик агенттиктин чечимине ылайык, мамлекеттик лабораторияларда COVID-19 үчүн ПЦР-тесттин баасы төмөндөтүлгөнүн эске салды. Алсак,

• Оорулардын алдын алуу жана мамлекеттик санитардык-эпидемиологиялык көзөмөл департаментине - 788 сомго чейин (мурда - 1574 сом);
• Ош райондор аралык ооруларды алдын алуу жана мамлекеттик санитардык-эпидемиологиялык көзөмөлдөө борборуна - 927 сомго чейин (мурда - 1574 сом);
• Бишкек шаарынын Мамлекеттик санитардык-эпидемиологиялык көзөмөл борборуна - 896 сомго чейин (мурда - 1326 сом) баалар арзандаган.