Евразия өнүктүрүү банкынын долбоорлорунун 52%га жакыны өнүктүрүү банкына мүчө өлкөлөрдүн улуттук валютасында каржыланат. Бул тууралуу аталган банктын 2022-жылдагы ишинин жыйынтыгын чыгаруу учурунда ЕӨБ башкармалыгынын төрагасы Николай Подгузов билдирди.

Ал каржылоонун негизги бөлүгү рубль жана теңгеде жүргүзүлүп жатканын, бирок кыргыз сому, армян драмы ж.б. долбоорлор бар экендигин билдирди.

Белгилей кетсек, 2022-жылы ЕӨБ катышуучу өлкөлөрдүн долбоорлорун ишке ашырууга 2,5 миллиард доллар бөлгөн. Банктын жалпы инвестициялык портфели 5,2 миллиард долларга жеткен.