“Чакан жана орто бизнести өзгөчө колдоо” долбоорунун алкагында 9 миң 715 бенефициар 6 млрд 671 млн 898 миң 917 сомго каржыланды. Бул тууралуу бүгүн аялдардын экономикага катышуусуна арналган иш-чаранын жүрүшүндө Финансы министрлигинин кредиттик линияларды башкаруу департаментинин директору Бермет Мусакожоева билдирди.

Ал белгилегендей, бардык бенефициарлардын 57,7%ы же 5,6 миңи аялдар.

“Ишкер аялдар жакшы жыйынтыктарды көрсөтүп жатышат, муну өнүктүрүү керек. Биздин максат - долбоордун алкагында 4,4 миң ишкер айымды долбоорго катыштыруу”, - деди ал.