Бүгүнкү күндө "Кепилдик фонду" тарабынан 9 миллиард сомдук 9 миң 531 кепилдик берилди. Бул ишкерлерге 28,7 миллиард сомдон ашык кредит алууга мүмкүндүк бергенин аталган фонддон билдиришти.

Ушул жылдын башынан бери берилген кепилдиктердин көлөмү 1 миллиард сомго жакындап, 979 миллион сомду түздү. Бул банктарга ишкерлерге 2,6 миллиард сомдон ашык акча берүүгө мүмкүнчүлүк түздү.

"Кепилдик фонду" ААК ишмердигинин артыкчылыктуу багыттары болуп айыл чарбасы, айыл чарба продукциясын кайра иштетүү, өнөр жай, ипотека жана туризм саналат.