Кызматтык турак жайы жок аскер кызматкерлери 7-9 миң сом өлчөмүндө ижара 
акысын алышат. Бул тууралуу коргоо министри Эрлис Тердикбаев Жогорку Кеңештин жыйынында билдирди. 

Анын айтымында, Бишкекте турак жайды ижарага алган аскер кызматкерлерине 9 миң сомдон, ал эми аймактарда 7 миң сомдон компенсация төлөнөт. 

Ал компенсациянын көлөмүн жогорулатуу боюнча бул токтомго өзгөртүүлөр даярдалып жатканын билдирди.