“Көк-Жар” конушунда 280 орундуу бала бакча курулуп жатат. Бул тууралуу Бишкек шаардык мэриясынан билдиришти.

Мектепке чейинки билим берүү мекемеси эки кабаттуу, жер төлөсү жок. Имараттын жалпы аянты 2,9 миң чарчы метрди түзөт. Ал эми жер тилкесинин аянты 0,8 гектар. 

“Учурда котлованды казуу, пайдубалдын негизин жана тирөөч дубалдарын орнотуу жумуштары аяктады”, - деп билдиришти мэриядан.