Финансы министрлиги 2024-жылдын августуна карата мамлекеттик казына облигацияларынын эмиссиясын жарыялады. Бул тууралуу Улуттук банктын сайтында айтылат.

Анын жалпы көлөмү 2 миллиард 550 миллион сомду түзөт. Биринчи аукцион 2-августта өтүп, анда 1 миллиард 300 миллион сомдук облигациялар 8 пайыздык купондук жана 10 жылдык жүгүртүү мөөнөтү менен сунушталат.

Мамлекеттик облигациялардын кезектеги чыгарылышы 9-августта 250 миллион сом суммасында пландаштырылган. Бул чыгарылыш боюнча купондук чен 7%, ал эми төлөө мөөнөтү 7 жыл болот.

Үчүнчү аукцион 16-августта уюштурулуп, 600 миллион сомдук облигациялар чыгарылып, 8 пайыздык үстөгү менен жүгүртүү мөөнөтү 10 жыл болот.

Мамлекеттик облигациялардын август айындагы акыркы эмиссиясы 23-августта өтүп, көлөмү 400 миллион сом жана купондук чен 7% болот. Бул облигациялардын да төлөө мөөнөтү 7 жыл.