Нарын-Баетов унаа жолунда 8-13, 33-38, жана 84-120-чакырымдар аралыгында капиталдык ондоо иштери кызуу жүрүүдө. Бул тууралуу Транспорт министрлиги билдирди. 

Учурда жолдун 84-120-чакырымдар аралыгында асфальт төшөө иштери башталып, жарым чакырымдан ашык жол жасалды. Ал эми калган эки тилкеде жер жумуштары жүрүүдө. 

2024-жылга карата капиталдык салымдар беренесине ылайык, Нарын-Баетов унаа жолунун 20 чакырымына асфальт төшөө иштери каралган.