Керектөө кредиттеринин өсүшү банктардын финансылык көрсөткүчтөрүнө терс таасирин тийгизе баштады. Бул тууралуу Евразия турукташтыруу жана өнүктүрүү фондунун (EФСР) аймактык экономикалык баяндамасында айтылат.

Классификацияланган (көйгөйлүү) кредиттердин үлүшү 9,2%дан 10,4%га (абсолюттук мааниде - 15,4%га) көбөйдү, бул негизинен кайтарылбай калуу тобокелдиги жогору же карыз алуучунун финансылык абалынын начарлоо белгилери байкалган кредиттердин эсебинен болду. 

Алсак, мөөнөтү өтүп кеткен кредиттердин көлөмү жыл башынан бери 8,0%га өстү, бул биринчи кезекте керектөө кредиттеринин эсебинен көбөйгөн. Бул белгилүү бир тобокелдиктерди алып келет.