Жалал-Абаддагы "Курманбек" атындагы муниципалдык аймактык башкармалыгында кеңдиги 80 сантиметрден 2 метрге чейин болгон сел канал курулууда. Бул тууралуу Жалал-Абад шаардык мэриясы билдирди. 

Каналдын курулушуна жергиликтүү бюджеттен 1 млн сом бөлүнгөн. Каналды жергиликтүү жашоочулар курууда. 

Курулушчуларга Бириккен Улуттар Уюмунун Бүткүл дүйнөлүк азык-түлүк программасынын алкагында, Жапон өкмөтүнүн каржылык колдоосу менен “Жумуш ордуна азык-түлүк” жардамдарын берүү боюнча долбоору аркылуу ар бир жаранга 6 мүшөк ун, 30 литрден май берилет. 

Эске салсак, 2024-жылдын апрель айындагы катуу жааган жаандын кесепетинен аталган аймактагы үйлөрдүн короосуна сел кирген.