Быйыл жарым жылда микрокредиттик уюмдар тарабынан жарандарга 16 млрд 114,7 млн сом чакан насыя берилген. Бул тууралуу Улуттук статистика комитетинен билдиришти.

8 ай ичинде мамлекеттик бюджетке 76,3 млрд сом киреше түшкөн

Статистика комитети билдиргендей, быйыл жарым жылда чакан насыя алгандардын саны 382,8 миң адамды түзгөн. Былтыркы жылга караганда насыя алгандардын саны 30%га өсүп, насыя 17,3%га көп берилген.

Чакан насыялардын көбү Ош (3 млрд 653,8 млн сом, же берилген насыялардын 22,7%ы) жана Жалал-Абад (2 млрд 563,5 млн сом же 15,9%ы)
облустарында, Бишкек шаарында (2 млрд 248,6 млн сом же 14%ы) жана Чүй (2 млрд 60,3 млн сом же 12,8%ы), Ысык-Көл облустарында (1 млрд 798,6 млн сом же 11,2%ы) берилген.

Чакан насыялардын 34,9%ы айыл чарбадагы ишмердикти өнүктүрүүгө, 25,8%ы керектөөчүлүк муктаждыктар үчүн, 10,4%ы соода жана коомдук тамактануу тармагы үчүн алынган.