Вице-премьер-министр Жеңиш Разаков «Акжол-Автодорожный» көзөмөл-өткөрмө бекетин куруу, реконструкциялоо жана модернизациялоо маселеси боюнча жыйын өткөрдү. Бул тууралуу өкмөттүн аппаратынын маалыматтык камсыздоо бөлүмү билдирет.

Жыйындын жүрүшүндө документтердин сметалык долбоору даярдалганы, бир катар финансылык жана уюштуруу маселелери чечилип жатканы белгиленди.

Вице-премьер-министр Жеңиш Разаков тармактык мамлекеттик органдарга курулуш иштерин баштоо үчүн даярдык иштерин тездетүүнү тапшырды.