Кыргызстан айымдарды ишкерлик жактан колдоо жана кездемелер менен иштешүү боюнча Индияга атайын сунуш менен кайрылды. Бул боюнча 24-март күнү Кыргызстандын Индиядагы элчиси Асеин Исаев менен кездеме өнөр-жай иштери, Индиядагы балдар жана аялдар боюнча иш алып барган министр Смрити Зубин Ирани айым менен болгон жолугушууда талкууланды.

26 жаштагы ишкер тышкы карызды төлөө үчүн 10 млн сом которду

Министр айым кыргыз тараптын сунушун колдоорун билдирип, кызматташууну мындан аркы кеңейтүүгө даяр экендигин белгиледи.

Жолугушуунун жыйынтыгында тараптар төмөнкү жыйынтыкка келишти:

• Кыргыз кол өнөрчүлөр үчүн кездеме өнөр-жай тармагында иштешүү программасын карап чыгуу;
• айымдардын ишкерлигин колдоо программасы боюнча суроолорду мамлекеттик деңгээлде карап, эки өлкөнүн кызматташтыгын күчөтүп, Mudra Yojana сыяктуу кичи ишканаларга же уюмдарга ссудаларды берүү;
• мектеп окуучуларына эки өлкөнүн салт жана маданият баалуулуктары боюнча тааныштыруу программасын карап чыгуу;
• Кол өнөрчүлүк жана колдонмо искусство боюнча тажрыйба алммашуу.