Аксыдан Өзбекстанга аткезчилик жол менен спирт ичимдигин ташыган жаран кармалды

04.03.2020, 14:00 Акчабар
Аксыдан Өзбекстанга аткезчилик жол менен спирт ичимдигин ташыган жаран кармалды

Жалал-Абад облусунун Аксы районунда аткезчилик жол менен ташылып бараткан спирт ичимдиктери аныкталган. Бул тууралуу Жалал-Абад облустук милициясы билдирди.

Маалыматка ылайык, 2020-жылдын 28-февралында Жалал-Абад облустук милициясына белгисиз жаран аткезчилик жолу менен коңшу Өзбекстан мамлекетине жүк өткөрүү максатында чек арага жакын аймакта тургандыгы билдирилген. Анын негизинде Аксы районунун Өзбекстан менен чектешкен аймагында 1990-жылы туулган Б.А. кармалып, ак түстөгү «Хундай Портер» үлгүсүндөгү автоунаасындагы бир нече коробкалар далил буюм катары алынган. Ал аталган райондун тургуну болгон.

Бул факты боюнча топтолгон материалдар Жазык кодексинин 223-беренеси (Экономикалык контрабанда) менен Кылмыш жана жоруктардын бирдиктүү реестрине катталып, сотко чейинки өндүрүш иши ачылган.

Аталган сотко чейинки өндүрүш иши боюнча Б.А.нын автоунаасы Аксы РИИБнин короосуна киргизилип, төмөнкү буюмдар алынган:

  • Бишкек коньягы - 0.5 л 7 даана
  • С серебром арагы - 1 л 9 даана
  • С серебром арагы - 0.5 л 46 даана
  • Градусник арагы - 0.5 л 49 даана
  • 113 коробка конфет
  • 1150 даана ДБК үлгүсүндөгү оюн карталары.

Учурда сотко чейинки өндүрүш ишинин алкагында тергөө амалдары жүргүзүлүүдө.

Тэги: Аткезчилик спирт Аксы Өзбекстан

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×