Алматыда карантин күчөтүлдү

21.07.2020, 11:05 Акчабар
Алматыда карантин күчөтүлдү

Казакстандын Алматы шаарында коронавируска байланыштуу 20-июлдан тартып карантин чаралары күчөтүлдү жана кошумча чектөөлөр киргизилди.

Ага ылайык, Алматы шаарынын тургундарна эс алуу үчүн тоолорго топтошуп чыгууга, экскурсия өткөрүүгө тыюу салынды. Шаардагы коомдук тамактануу жайлары үстү ачык жерде, кечки саат 22:00гө чейин гана кызмат көрсөтөт. Орундуктардын саны 30дан ашпоого тийиш.

Алматыдагы парктарга, Медеу, Бутаковка, Алма-Арасан сыяктуу белгилүү туристтик жайларга транспорт менен барууга болбойт.

Дем алыш күндөрү улуттук парктар жабылат. Жумуш күндөрү гана жөө сейилдөөгө уруксат берилет.

Кошумчалай кетсек, Казакстан бийлиги 5-июлда кайрадан карантин жарыялап, чектөөлөрдү 2-августка чейин узарткан.

Расмий маалыматтарга караганда, өлкөдө вирус жуктуруп алгандардын саны 72 миңге чукулдады, 585 адам көз жумду. Жыл башынан бери өлкөдө пневмониядан 3 327 киши каза болгон. Алардын 1555и июлдун биринчи жарымында өлгөн. Казак бийлиги 1-августтан тартып коронавируска кабылгандар менен өпкөсү кагынгандардын статистикасы кошулуп эсептеле баштай турганын билдирген.

Тэги: коронавирус Казакстан Карантин

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×