Медициналык кызматкерлерге компенсациялык төлөмдөр боюнча комиссиянын кароосуна 2000ге жакын документ келип түшкөн. Бул тууралуу Саламаттык сактоо министри Алымкадыр Бейшеналиев билдирди.

[news 29371]

«Учурда комиссиянын кароосуна саламаттык сактоо уюмдарынан 2000ге жакын документ келип түшкөн», - деп билдирди Бейшеналиев.

2020-жылдын 26-октябрына карата саламаттыкты сактоо уюмдарынын 377 кызматкерине ар бирине 200 миң сомдон бир жолку акчалай компенсация төлөндү.
Мындан тышкары, каза болгон 27 медициналык кызматкерлердин үй-бүлөлөрүнө ар бирине 1 млн сомдон акчалай компенсация төлөндү.

«Кызыл зонада» иштегендиги үчүн сентябрь айында 5241 медициналык кызматкер жалпы суммасы 71 миллион 671 миң 429 сом өчөмүндө компенсациялык төлөм алышты.