2020-жылдын январь-февраль айларында чыгарылган мамлекеттик баалуу кагаздардан республикалык бюджетке 3.2 млрд сомго жакын каражат түшкөн. Бул тууралуу Кыргшызстандын финансы министрлиги билдирди.

Белгилей кетсек, каражаттын көпчүлүк бөлүгү же 72.8% 2 млрд 321.8 млн сом жана 868.6 млн сом мамлекеттик казына векселдеринин эсебинен жайгаштырылган мамлекеттеик баалуу кагаздардан түшкөн.

Буга чейин финансы министрлиги бюджетке Мамлекеттик баалуу кагаздардан 2.55 млрд сом түшүрүүнү пландап келген. Көрсөткүч күткөндөн дагы 25% жогору болгон.