Лейлек районунун Борбордук айылында жаңы курулган мектеп пайдаланууга берилди. Президенттин Баткен облусундагы өкүлчүлүгүнүн маалыматына ылайык, эки кабаттуу имарат 225 окуучуга чакталган.

Курулушка 65 млн сом жумшалды.

Билим берүүчү жай буга чейин “Хамза” атында болсо, эми залкар жазуучу Ч. Айтматовдун аты берилди.

Белгилеп кетсек, “Хамза” орто мектебинин эски имараты 1970-жылы 320 орундуу болуп колдонууга берилген. Ал эми жаңы мектептин имаратына капсуланы 2021-жылдын май айында президент Садыр Жапаров салган.