Бишкек шаарынын жаңы мэри дайындалды

24.02.2022, 17:16 Акчабар
Бишкек шаарынын жаңы мэри дайындалды

Бишкек шаарынын мэри болуп Эмилбек Абдыкадыров дайындалды. Бул тууралуу президенттин маалымат кызматынан билдиришти.

Тиешелүү жарлыкка президент Садыр Жапаров кол койгон. Калаанын мурунку мэр Айбек Жунушалиев президент администрациясынын президенттин жана министрлер кабинетинин чечимдерин аткарууну көзөмөлдөө башкармалыгынын жетекчиси болуп дайындалды. Бул кызматты аркалап келген Кубатбек Кожоналиев кызматынан бошотулган.

Ишкер Эмилбек Абдыкадыров 1958-жылы Талас облусунун Кара-Ой айылында туулган. Ал буга чейин үч жолу Бишкек шаарынын депутаты, вице-мэри болуп эмгектенген. Былтыр Талас облусунун бир мандаттуу округунан Жогорку Кеңештин депутаттыгына талапкер болгон.

Ошондой эле анын жеке курулуш компаниялары бар. Ал 2020-жылы Ат-Башыдагы чек арага жакын аймакта логистикалык борборго инвестор болорун билдирген кытайлык ишкердин Кыргызстандагы өнөктөшү экени белгилүү.

Тэги: Эмилбек Абдыкадыров Бишкек шаарынын мэри Садыр Жапаров

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть