Бишкекке дагы 35 жаңы автобус келди. Шаардык мэриядан билдиришкендей, бир ай ичинде дагы 465 транспорт келет.

Эске салсак, былтыр президент Садыр Жапаровдун Кытайга мамлекеттик сапарынын алкагында аталган өлкөдөн газ менен жүрүүчү 1 миң автобус сатып алуу боюнча чечим кабыл алынган. Келишимге ылайык, өткөн жылы транспорттун жарымы келген, быйыл жарымы жеткирилмек.

Автобустар толук келип бүтсө, шаар ичиндеги кичи маршруттук каттамдар алмаштырылат.