Бүгүн, 14 июлда Бишкекке Екатеринбургдан «Авиатраффик» авикомпаниясынын чартердик рейси сенен 186 кыргызстандык кайтып келди, алардын ичинде кичине балдар дагы бар. Бул тууралуу Тышкы иштер министрлигинин басма сөз кызматы билдирди.

ТИМ: Бишкекке Кыргызстандын 164 жараны учуп келди

Аталган рейс менен Урал федералдык округунда билим алып жаткан студенттер, ошондой эле Кыргызстандын Екатеринбург, Челябинск, Тюмень, Сургут, Новый Уренгой, Салехард, Курган, Ноябрьск, Пермь шаарларындагы мекенине кайтып келе албай жаткан жарандары бар. (Алардын ичинде ар кандай дарттары бар, ден-соолугунан мүмкүнчүлүгү чектелген, уулгайган жаштагы, боюнда бар жана кичине балдары барлар, ошондой эле оор жашоо кырдаалына туш болгон адамдар бар).

Жүргүнчүлөрдүн тизмелери Урал федералдык округундагы кыргыз жарандарынын жана кыргыз диаспоралык уюмдарынын өтүнүчүнүн негизинде түзүлгөн. Ошондой эле, жарандардын «Авиатраффик» компаниясынын рейсине билет сатып алуу мүмкүнчүлүгүнүн бардыгы же жоктугу дагы эске алынган, анткени аталган жараян эпидемиологиялык кырдаалдан улам оорлоп кеткен»,-деп айтылат маалыматта.

Белгилей кетсек, аталаган рейс менен медициналык кызматкерлер дагы учуп келишкен (эки дарыгер, эки фельдшер жана медайым), алар коронавирус менен күрөшүүдө кыргызстандык кесиптештерине көмөк көрсөтүүнү каалашкан.