Бир жылдын ичинде орто эсеп менен ЕАЭБде коомдук транспорттун баасы 14,2%га өстү. Бул тууралуу “Геостатистика” телеграм каналы жазды.

Маалыматка ылайык, Евразия биримдигинин өлкөлөрүнүн ичинен Кыргызстанда коомдук транспорттун баасы эң арзан.

2023-жылы ЕАЭБде коомдук транспорттогу тарифтердин индекси Арменияда +13,2%, Беларуста +11,5%, Казакстан +8,6%, Кыргызстан +1,9%, Орусия +15,7%га өскөн.

Белгилеп кетсек, ЕАЭБ өлкөлөрүнүн ичинен Бишкекте эң арзан маяна берилет. 2023-жылдын март айында Бишкекте орточо айлык 403 долларды, Астанада 962,3 долларды, Москвада 1608 долларды, Минскиде 847,5 долларды түзгөн.