Бүгүн, 15-февралда президенти Садыр Жапаров Чүй облусуна болгон жумушчу сапарынын алкагында арматура чыгарууга адистешкен “Азия Сталь” ЖЧКсына барган учурда Орус-Кыргыз өнүктүрүү фондунун башкармалыгынын төрагасы Артем Новиков фонддун 2021-жылдагы ишмердүүлүгүнүн жыйынтыгы тууралуу маалымат берди.

Анын айтымында, өткөн жылы Фонд тарабынан өндүрүш, агроөнөр жай комплекси, байланыш жана IT, транспорт, логистика, туризм жана башка тармактардагы 333 долбоор 44,2 млн долларга каржыланган.

Белгилей кетсек, мамлекет башчысына үстүбүздөгү жылдын февралында Орус-Кыргыз өнүктүрүү фондунун колдоосу менен ишке кирген өнөр жай ишканасынын ишмердүүлүгү тууралуу маалымат берилди.