Республикалык бюджетти колдоо боюнча ачылган атайын депозиттик эсепке 26-мартка карата 1 млрд 665 млн 353.7 миң сом топтолгон. Бул тууралуу Кыргызстандын экономика жана финансы министрлиги маалымдады.

[news 33291]

Анын ичинен укук коргоо органдарынан 1 млрд 535.3 млн сом, өз ыктыяры менен юридикалык жактардан — 66.2 млн сом, физикалык жактардан — 63.8 млн сом которулган.

19-январда өкмөт эсептен 722.8 млн сомду республикалык бюджетке бөлгөн. Муну менен катар депозиттик эсепте калган каражаттын көлөмү 942.5 млн сомду түзөт.

Эске сала кетсек, үстүбүздөгү жылдын январь айынын ортосунда өкмөт тарабынан республикалык бюджетти колдоо үчүн ататйын депозиттик эсепти ачуу чечими кабыл алынган. Эсептеги каражаттар өкмөттүн максаттуу пайдалануу боюнча кабыл алынган чечимине ылайык жумшалат.