16-октябрдан бери алгачкы жолу доллар акча алмаштыруучу жайларда 80 сомдон төмөн баада сатылууда. Бирок, насыя-каржы уюмдарынын бардыгы эле мындай төмөн баада сатышкан жок. Азырынча «Кыргызкоммерцбанк» жана «Оптима Банк» банктарында доллар 80 сомдон төмөн баада сатылууда.

Сомдун долларга карата наркы 1.78% бекемделди

Калган коммерциялык банктар жана Москва-Совет көчөсүндө жайгашкан акча алмаштыруучу жайлар чет элдик валютаны 80.1 - 80.8 сом менен сатышууда. Эске сала кетсек, доллардын наркы 15-декабрдан тарта төмөндөй баштаган.

Эксперттер валюта рыногундагы бул өзгөрүүнү төлөм баланстарынын кайра калыбына келиши менен жана өлкөгө каражаттын массалык түрдө келип жатышы менен байланыштырышууда. Муну менен катар эксперт Денис Бердаков өзүнүн жакында эле берген маегинде, доллардын курсунун төмөндөөсү узакка созулбарын жазында доллар кайрадан көтөрүлөрүн билдирген.Буга байланыштуу эксперт капиталды доллар менен сактабоо сунушун берет.

Кошумчалай кетсек, сомго карата төмөндөө болгонуна карабастан, кыргызстандыктар каражатты 16.09% көп сактай башташкан.