Жогорку окуу жайлардын абитуриенттерди кабыл алуу убактысын 15-20-сентябрга чейин узартуу керек. Бул тууралуу депутат Руслан Чойбеков бүгүн, 14-майда Жогорку Кеңештин кезектеги жыйынында билдирди.

Быйыл абитуриенттер жогорку окуу жайларга онлайн аркылуу тапшырышат

«Окуу жайга тапшыруу быйыл 20-июндан башталат. Ал эми ЖОЖдор абитуриенттерди, Өкмөттүн 2011-жылдын 21-майында бекитилген 256-токтомуна ылайык, 25-августка чейин кабыл алышат. Бул убакытты сентярдын 15-20-чейин узартуу керек. Себеби, абитуриенттер бул убакытта окууга тапшырып жетишпей калышат. Андан сырткары, ЖОЖдордун пландары толбой, жабылууга туура келет дагы интеллигенция арасында жумушсуздук пайда болот. Ошол себептен, бул токтомдун ичине өзгөртүүлөрдү киргизүү керек», — деп айтты эл өкүлү.

Эске сала кетсек, быйыл жогорку окуу жайларга абитуриенттерди кабыл алуу онлайн түрдө өтөрүмаалым болгон.