Кыргызстандагы Кытай ишкерлеринин ассоциациясы аз камсыз болгон үй-бүлөлөргө гуманитардык жардам берди. Аны кабыл алуу иш-чарасына өкмөттүн аппарат жетекчиси-министр Самат Кылжыев, ошондой эле Кыргызстандагы Кытайдын элчилигинин кызматкерлери катышты.

Бишкекте 39 миңден ашык аз камсыз болгон үй-бүлөгө азык-түлүк берилди

Самат Кылжыев көрсөтүлгөн жардам үчүн өкмөттүн атынан ыраазычылык билдирди.

Кыргызстандагы Кытай ишкерлеринин ассоциациясы 50 килограммдык 550 кап ун, 5,5 тонна шекер жана 5 500 литр суу май алынган. Азык-түлүк муктаж жарандарга таратуу үчүн Жардам штабына өткөрүп берилди.

Бул гуманитардык жардам Бишкек, Ош жана Жалал-Абад шаарларында калктын аярлуу катмарына таркатылат.

Белгилей кетсек, Кыргызстанда ишмердүүлүгүн жүргүзүп жаткан кытайлык жарандар буга чейин Бишкек, Ош жана Жалал-Абад шаарларындагы ооруканаларда иштеп жаткан медицина кызматкерлерине 600 даана коргоочу кийим берген.