Казак бюджетинин дефицити 5.5 млрд $ түздү

09.04.2020, 11:15 Акчабар
Казак бюджетинин дефицити 5.5 млрд $ түздү

Казакстан республикасынын бюджети 5.5 млрд $ же ИДПга карата 3.5% түзөт. Өткөн жылы бюджеттин 40% социалдык жардам көрсөтүүгө жана саламаттык сактоого жумшалган. Бул тууралуу Finprom.kz порталы билдирет.

Бюджет тартыштыгынын күчөшү коронавирус пандемиясынын жайылып кетишине жана ОПЕК+ мүчө мамлекеттеринин келишими бузулушу менен байланыштуу.

«Бюджеттин жоготуусун жабуу үчүн, республикалык бюджеттин чыгашаларын 1.2 млрд $ азайтылды. Бюджеттин тартыштыгы 1.9 млрд $ жогорулаган», — деп билдирди финансы министри Алихан Смаилов.

Республикалык бюджеттин параметри төмөнкүчө аныкталды:

  • киреше — 26.9 млрд $;
  • чыгаша — 32.6 млрд $;
  • дефицит — 5.5 млрд $.

2020-жылдын январь айында республикалык бюджеттин чыгашасы 2.3 млрд $ түзгөн. Бул өткөн жылдын январь айына салыштырмалуу 17.2% көп болгон. 2019-жылдын январь айында бюджет чыгашасынын көлөмү - 1.9 млрд $ түзгөн.

Жалпысынан өткөн жылдын жыйынтыгын алып караганда республикалык бюджеттин чыгашасынын басымдуу бөлүгү социалдык жардам жана социалдык камсыздоого жумшалган: жулпы суммадан - 7.5 млрд $. Чыгашанын экинчи басымдуу бөлүгү - саламаттык сактоого: 2.7 млрд $ (10.4%). Андан сырткары, 3.6 млрд $ трансферттер түзгөн. Бул республикалык бюджеттин чыгашасынан 13.8% ээлеген.

Тэги: Казакстан бюджет дефицит

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×