Январь айынан тарта июль айына чейин патенттин негизинде иш алып барган ишкерлер 1 млрд 24.5 млн сом салык төлөшкөн. Бул тууралуу республиканын финансы министрлиги маалымдайт.

Айыл чарба министрлиги: быйыл буудай түшүмдүлүгү — 1,7 ц/га көп

Каражаттын басымдуу бөлүгү же 915 млн 752.2 миң сом (89.38%) өз каалоосу менен салык төлөгөн патентчилерден, калган 108.7 млн сом - милдеттүү патент салыгынан келип түшкөн.

Баарынан кызыгы, июнь айында патентчилер өткөн жылдын июль айына салыштырмалуу эң көп салык төлөшкөн.

Эске сала кетсек, жакынкы күндөрү Кубатбек Боронов бизнести жана инвестицияны өнүктүрүү боюнча Коопсуздук кеңешинин жыйынында чакан бизнес 80% чейин калыбына келгенин билдирген.