Кыргызстандык жеке ишкерлер Иранга бир топ арзандатуулар менен учуп, жүктөрүн ташый алат. Бул тууралуу Кыргызстандын Соода-өнөр жай палатасынын вице-президенти Роман Касымов менен ирандык “Varesh Airlines” авиакомпаниянын коммерциялык директору Мохаммад Ходакарами менен жолугушууда айтылды.

Маалыматка караганда, жетишилген макулдашууга ылайык, Палатынын мүчөлөрү үчүн Бишкектен Мешхед шаарына жүк ташуулар дээрлик 2 эсе арзандап, килограммына 2$дын ордуна 1,3$ды түзөт. Мындан тышкары, СӨПүнөн келип жаткан делегация мүчөлөрүнө авиабилеттин баасы ар бир жүргүнчүгө 70$га чейин төмөндөтүлүп, бир тарапка 250$, эки тарапка 410$га теңелет.

Ирандык авиакомпания Мешхед – Бишкек аба каттамын жума сайын аткаруу ниетинде. Буга чейин кыргызстандыктар аталган багыт боюнча айына бир ирет гана жолу уча алчу.

Эске салсак, былтыр Соода-өнөр жай палатасы Иран менен эки тараптуу соода-экономикалык кызматташууну кеңейтүү үчүн биргелешкен бизнес-комитет түзүү жөнүндө макулдашууну бекиткен.