Президент Сооронбай Жээнбеков кол койгон Жарлыкка ылайык, 2021-2024-жылдарга Кыргызcстандын коррупцияга каршы аракеттенүү жана анын себептерин жоюу боюнча мамлекеттик стратегия бекитилди. Бул тууралуу президенттин басма сөз кызматы билдирди.

Жеңилдиктердин ордуна акчалай компенсация алуучуларга бюджеттен 662,5 млн сом бөлүндү

Жарлыкка ылайык, токтом кылынат:

— 2021-2024-жылдарга Кыргызстанда коррупцияга каршы аракеттенүү жана анын себептерин жоюу боюнча мамлекеттик стратегия бекитилсин;

— КР Өкмөтүнө Жогорку Кеңеш жана тиешелүү мамлекеттик органдар менен биргелешип Стратегияны ишке ашырууга багытталган ченемдик-укуктук актыларды иштеп чыгуу жана кабыл алуу сунушталсын;

— Өкмөткө, Жогорку Сотко, Башкы прокуратурага жана башка мамлекеттик органдарга, ошондой эле жергиликтүү өз алдынча башкаруу органдарга Стратегияны ишке ашыруунун алкагында кыска мөөнөттүү жана узак мөөнөттүү мезгилдерге коррупцияга каршы аракеттенүү боюнча иш-чаралардын деталдуу пландарын эки жумалык мөөнөттө иштеп чыгуу сунушталсын;

— Өкмөткө ишке тартылган мамлекеттик органдар жана жергиликтүү өз алдынча башкаруу органдары тарабынан антикоррупциялык пландардын өз убагында жана толук аткарылышын туруктуу негизде координациялоо жана мониторинг жүргүзүп туруу сунушталсын.