Кыргызстанда дары-дармек жана медициналык жабдуулардын саны жетиштүү

28.10.2020, 12:15 Акчабар
Кыргызстанда дары-дармек жана медициналык жабдуулардын саны жетиштүү

Республикадагы медициналык уюмдарда дары-дармек жана шаймандардын запасы 1,5-2 айга жетет. Бул тууралуу коронавирус инфекциясынын мындан ары жайылышына бөгөт коюу максатында өткөн Республикалык штабдын отурумунда айтылды.

Жыйындын алкагында өкмөттүн аппаратынын социалдык өнүктүрүү бөлүмүнүн башчысы Улан Маматканов тарабынан өлкөдөгү эпидемиологиялык абалды жакшыртуу үчүн көрүлүп жаткан иш-чараларды күчөтүү, той-топурларды өткөрүүгө тыюу салуу жаатында рейддерди өткөрүү, жалпыга маалымдоо каражаттары аркылуу санитардык-эпидемиологиялык эрежелерди сактоо боюнча элге кайрылууларды жасоо, дары-дармек жана медициналык шаймандардын запасы жөнүндө калкка кеңири маалымат жеткирүү талаптары коюлду.

Саламаттык сактоо министринин орун басары Мадамин Каратаев медициналык уюмдарды дары-дармек, жеке коргонуу каражаттары менен кеңири камсыздоо үчүн тендерлер өткөрүлүп жатканын айтат.

Каратаев COVID-19 оорусун ооздуктоодо мүмкүн болушунча үйдө обочолонуу, жарандардын беткап тагынуусу, адамдардын ортосунда бир метрден кем социалдык аралыкты кармоо, өздүк гигиенаны сактоо маанилүү экенин баса белгиледи.

Тэги: республикалык штаб медициналык уюмдар дары-дармек шаймандар запас

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар для iPhone

  • Курсы валют в Бишкеке
  • Новости и аналитика
  • Карта банкоматов
Закрыть

Акчабар для Android

  • Курсы валют в Бишкеке
  • Новости и аналитика
  • Карта банкоматов и сберкасс
Закрыть
<
×