Кыргызстандын Тышкы иштер министрлиги президенттик шайлоо жана конституциялык реформаны өткөрүү үчүн БУУдан техникалык колдоо көрсөтүүнү суранды. Бул тууралуу ведомствонун сайтында маалымдалат.
Муну менен катар, Кыргызстан тарап эл аралык келишимдердеги өз милдеттерин аткарууга жана мыйзамдуулукту толук сактап, адам укуктарын коргоого убада берди.
Өз кезегинде БУУнун өкүлү, Кыргызстандагы өзгөрүүлөр жакшы нукка бөлүнгөнүн белгилеп өттү. Ошондой эле конституциялык реформаларды коомчулуктун кеңири катышуусу менен талкуулоо үчүн ыңгайлуу шарттарды түзүү керектигин, муну менен элдин ишеними бекемделе тургандыгын белгиледи.
Копирование материалов, представленных на сайте, возможно только с разрешения редакции и с обязательным указанием активной гиперссылки на источник
