Бюджет жана финансы комитетинин депутаттары бүгүн, 8-июнда Кыргыз Республикасынын жана Эл аралык өнүктүрүү ассоцияциасынын ортосунда «Кыргызстанда табигый кырсыктардын тобокелдигине туруктуулукту жогорулатуу» долбоорун каржылоо жөнүндө Макулдашуунун долбоорун карашты. Бул маселе боюнча ӨКМдин статс - катчысы Азамат Мамбетов баяндама жасады.

«Камбар-Ата-2» ГЭСине 1.3 млн $ бөлүнөт

Анын айтымында, Келишимдин максаты «Кыргызстанда табигый кырсыктардын тобокелдигине туруктуулукту жогорулатуу» долбоорун ишке ашыруу үчүн мамлекеттик инвестиция тартуу болуп саналат.

«Бул долбоор беш компоненттен турат, анын ичинде табигый кырсыктарга даярдык жана ыкчам аракет жасоо системасын жакшыртуу, мектептердин, балдар бакчаларынын коопсуздугун жогорулатуу, Өзгөчө Кырдаалдарда камсыздандыруу системасын өнүктүрүү, ошондой эле Өзгөчө Кырдаалдардын алдын ала каралбаган чыгымдары бар», - деп белгиледи ал.

Депутаттар бир катар суроолорду беришип, сунуш пикирлерин айтышты.Талкуунун жыйынтыгында «Кыргызстанда табигый кырсыктардын тобокелдигине туруктуулукту жогорулатуу» долбоорун колдоо чечими кабыл алынды.