Ушул жылдын 25-декабрына чейин Кыргызстан-Өзбекстан биргелешкен инвестициялык долбоорлорду жана өнөр жай кызматташтыгынын долбоорлорун жүзөгө ашыруу боюнча маселелердин комплекси каралат. Тиешелүү чечим премьер-министрдин м.а. Артем Новиков менен Өзбекстандын премьер-министринин орун басары - Инвестиция жана тышкы соода министри Сардор Умурзаковдун эки тараптуу жолугушуусунда кабыл алынды.

Улуттук банк кайрадан интервенция өткөрдү. Бул ирет 10.3 млн доллар сатты

Эки өлкөнүн экспорттук географиясын кеңейтүү жана алардын жаңы рынокторго чыгуусу үчүн транспорттук индустрияны, анын ичинде эл аралык транспортту өнүктүрүү маселелери каралды. Андан сырткары, эки өлкөнүн аймагында биргелешкен соода-логистикалык жана дүң бөлүштүрүү инфраструктурасын өнүктүрүү маселелерин талкуулашты.

Ошондой эле буга чейин кол коюлган Финансылык кызматташтык жөнүндө макулдашуунун алкагында уставдык капиталы 50 миллион долларды түзгөн кыргыз-өзбек инвестициялык фондун түзүү жана бажы чөйрөсүндө өз ара кызматташуу боюнча жумушчу топ түзүү чечими кабыл алынды.

Жыйынтыгында эки тараптуу кызматташууну кеңейтүү жана тереңдетүү боюнча Жол картасына кол коюу жөнүндө макулдашууга жетишилди.