2020-жылы Казакстан менен Кыргызстандын биргелешкен соода жүгүртүүсү 796.2 млн долларды түзгөн. Тараптар сооданы 1 млрд долларга чейин жеткирүүнү жана сатылып жаткан товар жана кызматтардын көлөмүн кеңейтүүнү пландашууда. Бул тууралуу Казакстандын өкмөтүнүн сайтында маалымдалат.

Кыргызстанга 100 миң доллар инвестиция салган чет өлкөлүктөргө жарандык берүү сунушталууда

Белгиленгендей, Казакстан Кыргызстандын экономикасына ири инвестор салган өлкөлөрдүн катарына кирет. 2005-жылдан тарта коңшу мамлекет Кыргызстанга 1 млрд долларга жакын инвестиция жумшаган. Казакстанда дээрлик 1.5 миң кыргыз компаниялары иштейт.

«Казакстандын өкмөтү кыргызстандык кесиптештери менен бирге эки тараптуу маселелерди чечүүгө даяр», — деп бидирген Аскар Мамин жолугушууда.

Кошумчалай кетсек, экономикалык кызматташтыкты күчөтүү максатында жакынкы арада өлкөлөрдүн өкмөттөр аралык кеңешинин кезектеги жыйыны пландаштырылды.