Нарын облусунда инвесторлор үчүн өнөр жай аймагы ачылды. Президенттин аталган аймактагы ыйгарым укуктуу өкүлчүлүгүнөн билдиришкендей, аймак Эмгекчил айылынын Кош-Дөбө тилкесинде Бишкек – Нарын – Торугарт унаа жолунун боюнда жайгашкан.

Бул жерде завод же фабрика ачууну каалаган инвесторлор үчүн бардык шарттар түзүлдү. Учурда сүлгү жана кафель өндүрүүчү цехтерди ачуу боюнча сүйлөшүүлөр жүрүүдө.

Жергиликтүү бийлик ишендиргендей, жазга чейин бир нече ишканалар ачылып калат.