Насыя алууда карыз алуучулар келишимде күрөөнү нотариалдык түрдө күбөлөндүрүүсү керек. Бул кызмат акынын баасы азыркы учурда эки эсеге төмөндөдү, деп билдирди Юстиция министрлиги.

10 жылда Кыргызстан тышкы карыздын үстөк пайызына 362.2 млн доллар төлөгөн

Маалыматка ылайык, Кыргызстандагы жеке нотариустар бул кызмат үчүн 3 миңден 4 миң сомго чейин алышат. Юстиция министрлигинин сунушу менен айрым жеке нотариустар кызмат акынын баасын 1-2 миң сомго чейин төмөндөтүштү. Министрлик ишенимдүү нотариустардын тизмесин расмий сайтына жайгаштырды.

Андан сырткары, Бишкек жана Ош облусундагы мамлекеттик нотариустардын иш күнү дагы бир күнгө узартылды. Бул демилге мамлекеттик нотариалдык мекемелерде болгон узак кезек күтүүлөрдөн улам келип чыккан. Ишемби күнү нотариустар саат 15:00гө чейин иштешет.