Бүгүн, 7-июнь күнү Ош шаарына Новосибирсктен (Россия) 204 кыргызстандык жаран, анын ичинде кичинекей балдар кайтарылды. Бул тууралуу Тышкы иштер министрлигинен билдиришти.

[news 24459]

Жарандар «Сибирь» авиакомпаниясынын учагы менен учуп келген.

Министрликтен белгилешкендей, жүргүнчүлөрдүн тизмеси кыргыз диаспора уюмдары менен биргеликте Россиянын Сибирь, Ыраакы Чыгыш жана Түндүк аймактарында жашаган кыргызстандык жарандардын кайрылуулары боюнча түзүлгөн.

Бул каттам менен оор илдети бар, мүмкүнчүлүгү чектелген жарандар, кичинекей балдары бар аялдар, кош бойлуулар, кары адамдар, жашоодо оор кырдаалга туш болгон жарандар кайтарылган.

Ошондой эле Алтай аймагындагы, Новосибирск, Омск, Кемеров жана Томск облустарындагы чет элдик административдик мыйзам бузуучуларды убактылуу кармоочу борбордо болгон 16 жаран кайтарылган.

Учуп келген жарандардын баары обсервацияга жаткырылган.

«Мекенине кайтып келүүнү каалаган чет жердеги Кыргызстандын жарандарын өлкөгө кайтаруу боюнча иштер улантылат», - деп айтылат маалыматта.