Гуманитардык жүктөр өлкөнүн аймактарына жиберилүүдө. Бул тууралуу республикалык штабдан маалымдашты.

Маалыматка ылайык, Өзбекстандан келген ун түрүндөгү гуманитардык жардамды Өзгөчө кырдаалдар министрлиги тарабына аймактарга жеткирилүүдө.

Аталган гумжардам Ош, Жалал-Абад, Баткен облустарына жана Ош шаарына жеткирилет. 2020-жылдын 4-августуна карата Жалал-Абад, Баткен облустарына жалпы 1 миң тонна ундун ичинен 420 тонна өлчөмүндө жүк жиберилген.

Эске салсак, Өзгөчө кырдаалдар министрлигине гуманитардык жардамды түшүрүү, сактоо жана белгиленген жерге жеткирүү милдети жүктөлгөн. Гуманитардык жүктү бөлүштүрүү жергиликтүү өз алдынча башкаруу органдары тарабынан аткарылат.