Бүгүн, 30-апрелде президент Сооронбай Жээнбеков менен болгон жолугушууда, Милдеттүү медициналык камсыздандыруу фондунун төрайымы Эльнура Боронбаева 3.5 ай ичинде коргонуучу медициналык каражаттарды алууга 187 млн сом жумшалганын билдирди. Бул тууралуу президенттин басма сөз кызматы билдирди.

Анын айтымында, бүгүнкү күндө бардык медициналык мекемелерде дарыгерлер үчүн коргонуучу каражаттар жетиштүү.

Мындан сырткары, Сооронбай Жээнбеков саламаттык сактоо тармагын санариптештирүүгө көбүрөк көңүл буруу керек экендигин баса белгилеп өттү. Санариптешүү бардык системада ошону менен бирге эле бейтапты дарылоодо дагы жакшы натыйжа көрсөтүшү керек.