Россия-Кыргыз өнүктүрүү фонду экинчи рынокто «Кыргыз биржа фондунун» 7.5% акциясына ээ болду жана 31-декабрда официалдуу түрдө акционери болуп саналды. Бул тууралуу өкмөттүн басма сөз кызматы билдирди.

Балыкчыдагы канаттуулар фабрикасын каржылоо жанданат

Бул тууралуу премьер-министрдин м.а. Артем Новиков рынок фондун өнүктүрүү боюнча өткөзгөн жыйынында алгачкы жолу айтылды.

Кыргыз биржа фондунун капиталына кирүү, фонд ишкерликти колдоо боюнча мүмкүнчүлүктөрүн кеңейтип, экономиканы өнүктүрүүгө жана өлкөдөгү финансы рыногунун өнүгүшүнө активдүү катышып жатат дегенди билдирет.

«Ири акционердин пайда болушу менен, баалуу кагаздар рыногуна потенциалдуу инвесторлордун көңүлүн тартуу мүмкүн болот», — деп айтты Артем Новиков.

Биринчи этапта Россия-Кыргыз өнүктүрүү фондунун ишмердүүлүгүн институционалдык инвестор катары жүргүзүү тапшырмасы турат. Ири баалуу кагаздардын көлөмүнөн 15% чейин сатып алуулары керек.

Андан сырткары, Финансы рыногун жөнгө салуу жана көзөмөлдөө мамлекеттик кызматына биржа фондунада кызмат көрсөткөн компаниялардын кызмат акысын төмөндөтүү боюнча тапшырма берилди.